CCC website kong nan hun chim cio i kaa lawm ngai. Saza William chim bang khan kan website an kan hal tik pek ding um lo cu a si kho hrim ti lo. A tthat, a chiat, a tlin le tlinglo biapi chia tilo in kan ngeihmi documents pawl tal he mi sin pekding ngeih a cu cang ko.
Free website pawl hi zeidah a ttha hnga, a layout/design aa dawh hnga ti ka zoh pah lengmang tawn (E.g. Freewebs.com, Wordpress.com, Wix.com, Webstarts.com, Homestead.com, Webgarden.com, Wetpaint.com, Myspace.com). Free an pekmi storage an tlawmtuk cio. Cawk bel ahcun an ttha cio dih ko lai! Rak zoh chunh cio ve ulaw kan duh bikmi cawk ding a si ko. Atu lio VOA Burmese le Chinland Today an hmanmi layout phun khi kei cu ka uar. WordPress ta a si tiah ka ruah nain Free chungah mah bantuk layout/design khi ka hmu fawn lo.
Atu Kawithawng (ZTC) nih a hun chim hin ka rak tuaitam ttukttak mi ka zoh tthan i zeidah a lawh hnga tiah tlawmpal ka remh/chap (Zohchunh awk ah tiah). An ta hi Site serning phundang te a si in ka hmuh. A fawite. Ran zong a rang fawn. Ka chimcia bantuk in VOA Burmese le Chinland Today an design bantuk in sersiam phun a ttha rua lo. Zohchunhnak ah LUNGRAWN hi kau hmanh u. Atlangpi pawl ah khin “Religion” “Computer” le “Photos” khi abik in zohchunh hnik hmanh u (Sub-title pawl a umning khi). Cawk ahcun feature tling tein an kan pek lai i hmanttha ngai a si lai tiah ka ruah ko. A dang pawl nakin a man zong a fawideuh ngaingai.
Website ngeih tikah Saza Thomas chim bantuk in Information update siding a biapi bik. Caan pek zong a hau. Ttuanman pek in ttuan ding rian phun a si. Cun Information le Data CCC lei nih pekkhawh ngai a hau fawn. Atu bantuk in CCC nan dawtnak ruang ah Saza Thomas siseh, Kawithawng siseh nan ttuanmi vialte cung ah kan ilawm tuk hringhran. Tulio kan sining in cun ramchung in website kongkau tawlrel a har ngai rih lai. Ramleng ummi nih dawtnak he nan kan zuampiak rih a hau ko.
Atu Weebly.com ta hi free pekmi hmanh ah storage limit a um lo. File size belte voikhat upload tikah 5 MB tiang limit a um. Hika Weebly Free Service ah hin vun rel ve hmanh u. Hitin storage limit a um lo ca ah personal website ca ah ihman cio awk ttha ngai a si. Cun “.com”, “.net” le “.org” kong ah: “.org” hi non-profit organizations nih an hmanbik i “.com” le “.info” hi adang vialte nih an hmanbik deuh tiah an ttialmi ka rel bal ko.
Cun, hmailei ca tiang ruahcia a ttha. Account ID tampi in website le egroups pawl tuah lo a ttha. CCC ca ah rak ngeih hmasa mi tulio kan hmanmi egroups owner ID le Google account ID hna an um lai. Cun keimah tuahmi [email protected], [email protected], [email protected] hna a um rih. Password aa khat dih. Hi ID hna ah CCC biaruahnak email vialte, hmanthlak zeimawzat cio chiah dih an si. Cucaah atu tiang CCC ca ah tuahmi le ngeihcia mi ID pawl hi Website tuahnak ah ihmang sehlaw a ttha lai. Culo ahcun hmailei website tawlreltu ca ah cinken awk ID a tamtuk lai.
Lawmhnak he,
Nan hawi
Luke
Camp Philippines